2022-mi inuusuttunut ilinniarfiit

Saqqummersitami uani Kalaallit Nunaanni inuusuttunut ilinniarfinni ilin­niartut kisimik sammineqarput. Nunani allani inuusuttunut ilinniarfinni ilinniartut Kalaallit Nunaanneersut Naatsorsueqqissaartarfiup Kisitsisaataa­siviani aaneqarsinnaapput

 

2022-mi 609-t inuusuttunut ilinniarfimmik naammassinnissimapput

2022-mi Kalaallit Nunaanni 609-nik amerlassusillit inuusuttunut ilinniar­fimmik naammassinnissimapput. Ukiuni tulleriinni inuusuttunut ilinniakka­mik naammassinnittartut amerliartorusaarsimapput, 2016-imilu naammas­sinnissimasut 803-ullutik amerlanerpaasimapput. Taamanili ukiumut naam­massinnittartut amerlassusaat 24 pct.-inik appariarsimavoq, kisiannili 2005-imiit 53 pct.-imik qaffassimalluni.

 

Titartagaq 1. 2003-miit 2022-mut Kalaallit Nunaanni inuusuttunut ilinniarfimmik naammassinnissimasut

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11D).

 

2022-mi Kalaallit Nunaanni ilinniarnertuunngorniarnermik naammassinnis­simasut 248-upput, ukiup siuliani 294-iusiusut. 2005-imut sanilliullugu ilin­niarnertuunngorniarnermik naammassinnittarnerit amerlassusaat 75 pct.-inik amerlanerusimapput. Inuussutissarsiornermi ilinniakkamik naammassinnis­simasut amerlassusaat ukiup siuliani 429-usimasut 361-inut appariarsi­mapput, appariaat 16 pct.-iulluni.

 

2.026-t inuusuttunut ilinniarfinni ilinniakkamik ingerlatsipput

2022-mi Kalaallit Nunaanni inuusuttunut ilinniarfinni ilinniakkamik ingerlat­sisut 2.026-nik amerlassuseqarput. Tamanna inuusuttunut ilinniakkani inuussutissarsiornermilu ilinniakkani ukiup siulianut sanilliullugu 1 pct.-inik appariarneruvoq. 2011-miilli ilinniartut amerlassusaat 427-nik ikileriarsi­mapput, appariaat 17 pct.-iulluni.

 

1.071-it inuusuttunut ilinniarfinni ilinniakkamik aallartitsisimapput

2022-mi 1.071-inik amerlassusillit inuusuttunut ilinniarfinni ilinniakkanik aallartitsisimapput, tamannalu 2014-imut sanilliullugu 18 pct.-inik appariar­neruvoq, tassani inuusuttunut ilinniakkamik aallartitsisimasut amerlanerpaa­simapput. Ilinniartuunngorniarnernik aallartitsisimasut 2014-imi amerlaner­paasipput, piffissami 2003-miit 2022-mut inuussutissarsiornermi ilinniakka­mik aallartitsisimasut 2016-imi amerlanerpaasut.

 

Agguaqatigiissillugu 20-nik ukiullit ilinniarnertuunngorniarnermik aallartitsi­sarput, inuussutissarsiornermilu ilinniakkamik aallartitsisartut agguaqatigiis­sillugu 26-nik ukioqartartut.

 

Titartagaq 2. 2003-miit 2022-mut Kalaallit Nunaanni ilinniakkanik aallartitsinerit

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11A).

 

 

Eqikkaaneq

 

Tabel 1. 2018-imiit 2022-mut inuusuttunut ilinniarfinni ilinniartut ilinniakkap suussusaa killiffillu malillugit

	2018	2019	2020	2021	2022
Ilinniarnertuunngorniarfiit
Aallartitsisimasut .............	475	463	518	472	416
Ingerlatsisut .................	1.069	1.035	1.070	1.067	1.064
Naammassinnissimasut	273	283	281	294	248
Inuussutissarsiornermi ilinniarfiit
Aallartitsisimasut .............	713	672	720	661	655
Ingerlatsisut .................	1.052	1.011	1.070	972	962
Naammassinnissimasut	397	378	380	429	361

Najoqqutaq: Naatsorsueqqissaartarfik – Kisitsisaataasivimmi kisitsisit takukkit (https://bank.stat.gl/UDNISC11A, https://bank.stat.gl/UDNISC11B, https://bank.stat.gl/UDNISC11D).